Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

V Alcuentros de Músiques Asturianes
Caldo os Rabizos

Votos

(Total de votos recibidos 2)

(Puntuación 3,00)

rabizos
CMI Pumarín Xixón-Sur "J. Gonzalo Fernández Mieres". Llunes 30 d'ochobre a les 19.30 hores

Ye una banda del occidente d’Asturies, de reconocíos músicos, que cuenta con un repertoriu popular qu’abarca dende Fonsagrada a Ayande y dende Tapia a Ibias.

Baxo la fórmula ¡Música veya actualizada que nun perde el carácter! tola música d’esti grupu vien d’una investigación de campu previa. Les sos fontes son músicos tradicionales que tovía viven y toes aquelles persones que recuerden cantares carauterísticos d’esta zona, amás del Archivu Oral d’Ambás, o los archivos familiares de los propios músicos.

Otra carauterística singular d’esta banda ye que nun recrea la tradición sinón que sigue la llinia continua ya ininterrumpida que llegó con fuercia hasta güei.

La naturalidá que se da a los reportorios tradicionales o la sonoridá de los mesmos permite llevar esti patrimoniu musical al sieglu XXI.

La banda son: Pepín de Muñalén (saxofón), Andrés de Bual (gaita), Marga Lorences (acordión), Ruma Barbero (bombu) y Miguel Rodríguez Monteavaro (redobrante).