Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

#FeLiX17. Alcuentru lliterariu con Laura Marcos, autora de "Cuentos de ser y de tar"

Cuentos de ser y tar
Café Dindurra. Vienres 16 de xunu a les 20.15 hores

Presentación del llibru Cuentos de ser y de tar (Trabe), de Laura Marcos.

Laura Marcos

Laura Marcos (Mieres del Camín, 1982) ye profesora d’Inglés n’Educación Secundaria. Poeta, narradora y traductora, tien dellos testos nes revistes lliteraries Formientu, Reciella Malory, Estandoriu y Campo de los Patos, amás de tar antologada en La prueba del once. Poesía asturiana del sieglu XXI (2015). Ganadora de dalgunos premios lliterarios con cuentos publicaos nesti volume, participa davezu nos recitales conocíos como Timba Poétika. Cuentos de ser y de tar ye la so primer obra publicada, pero nella amuesa yá maneres de narradora madura y con futuru.

Sinopsis

Cuentos de ser y de tar va ser una de les mayores novedaes de la lliteratura asturiana d'anguaño: naide como Laura Marcos pa texer y enduviellar hestories cotidianes que son a enseñanos, con cenciellez y realismu, los emprunos caminos de la vida, les difíciles rellaciones del ser humanu con él mesmu, cola naturaleza y colos sos iguales. Con precisión de reló suizu, l'autora va construyendo una obra narrativa non por nueva inmadura, yá que tien oficiu, personalidá y hestories pa contar y sabe muncho bien cómo quier contales, al empar que va trayendo aires nuevos y anovadores a la nuestra lliteratura.

Presenta: José Luis Rendueles.

- begona.jpg
Dirección Avda. de La Costa GijónAsturias
Localización